Санкт-Петербургте қомақты қаржы ұрлаған қазақстандық топ-менеджер ұсталды

2 қыркүйекте Санкт-Петербург қаласында халықаралық іздеуде жүрген топ-менеджер ұсталды. Оған бөтеннің мүлкін ұрлау бойынша айып тағылған, деп хабарлайды Stan.kz ақпарат агенттігі 78.ru басылымына сілтеме жасап. 

Ер адам 2013-2021 жылдары елдегі "First Heartland Jusan Bank" АҚ топ-менеджер болып қызмет етіп, компания мүлкін ұрлаған. Келтірілген жалпы шығын 11,3 миллион рубль деп бағаланған.

• Қазақстанда 1,1 миллиард теңге бюджет қаржысын жымқырды деген екі күдіктіге іздеу жарияланды

• Қайрат Боранбаевтың інісіне іздеу жарияланды – БАҚ

Ұсталған ер адам Шығыс Қазақстан облысы экономикалық тергеулер департаментіне тапсырылды. Оған күзетпен ұстау бұлтартпас шарасы тағайындалды. 

Еске салайық, ҰҚК-нің экс-басшысы Кәрім Мәсімовтың інісі Нұрлан Мәсімов шекарадан өтпек болған кезінде ұсталған еді. Оған ірі көлемде пара алды деген айып тағылған.