Кәсіпқой боксқа өткенін жариялаған Сәкен Бибосынов Қазақстан чемпионатына қатысады
Фото:Olympic.kz
Семейде 14 қазан күні бокстан ел чемпионатының жеребесі тартылды. Аталмыш тізімде 55 келіде Сәкен Бибосыновтың да аты көрсетілген. Демек Сәкен Бибосынов ел біріншілігінде бақ сынайды. Бұл туралы Stan.kz ақпарат агенттігі хабарлайды.
Сәкен Бибосыновтың бұл шешімі жанкүйерлер үшін күтпеген жаңалық болды. Өйткені ол жуырда, 26 қазан күні Бішкекте кәсіпқой бокстағы екінші жекпе-жегін өткізетінін жариялаған еді. Соған қарамастан, ел чемпионатында бақ сынауға бел буған.
Сондай-ақ бұл додаға алты бірдей әлем чемпионы қатысады. Олар, 50 келіде Теміртас Жүсіпов, 55 келіде Сәкен Бибосынов пен Бексұлтан Боранбек, 75 келіде Сабыржан Аққалықов, 80 келі Санжарәлі Бегалиев, 85 келі Өнер Сейілхан. Бұлардың екеуі ересектер, төртеуі жастар арасындағы әлем чемпионатында топ жарған.
Семейдегі ел біріншілігі 21 қазанға дейін жалғасады. Дүбірлі бәсекеге 20 өңірінен 371 спортшы қатысады: 246 ер және 125 әйел былғары қолғап шеберлері.
Талқылау
Дженнифер Лопестен Real Madrid-ке дейін: Әлемдік жұлдыздардың келуі Қазақстанға қандай пайда әкелді
Желі қолданушысы: "Тез келіп үлгеріп қалыңдар. Кейін менсінбей кетуіміз мүмкін”
Қазақстандағы ең арзан қоғамдық көлік Ақтау мен Шымкент қалаларында болып шықты: Тұрғындар жолға қанша төлейді?
Талдықорғанда оқушылар мен студенттерге, сонымен қатар зейнеткерлерге жолақы тегін