Ризабек Айтмұқан Ислам ынтымақтастық ойындарының ақтық сынында сүрініп, күміс жүлдеге ие болады
Сауд Арабиясында өтіп жатқан Ислам ынтымақтастық ойындарында еркін күрестен ел намысын қорғаған Ризабек Айтмұқан күміс жүлдеге ие болды. Бұл туралы Stan.kz ақпарат агенттігі хабарлайды.
Отандасымыз 97 келінің шешуші финалында Иран елінің өкілі Амирали Азарпирамен чемпиондық атақты сарапқа салды.
Тартысқа толы белдесуде Ризабек Айтмұқан қарсыласына 0:5 есебімен жол берді. Нәтижесінде күміс жүлдеге ие болды.
Ризабек Айтмұқан жарыс жолында ширек финалда атағынан ат үркетін әзербайжандық балуанды жарыс жолынан шығарған.
Сонымен қатар жартылай финалда Париж Олимпиадасының чемпионы Ахмед Тажудиновты 13:5 есебімен айқын басымдықпен жеңген еді. Айта кетейік, Тажудинов 2023 жылғы әлем чемпионы, 2025 жылғы әлем біріншілігінің қола жүлдегері.
Еске салсақ, Ризабек Айтмұқан 3 түрлі жас санаты бойынша әлем чемпионы. 2023-2025 жыл аралығындағы үш дүркін Азия ойындарының күміс жүлдегері.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан