Ринат Жұматов: Қуат Хамитов - клоун!
“Атырау” футбол клубының ойыншысы әлеуметтік желіде аралас жекпе-жек жауынгері Қуат Хамитов жайлы жазба қалдырды. Бұл туралы Stan.kz ақпарат агенттігі хабарлайды.
Фото: коллаж instagram.com/
Қазақ футболшылары жайлы әр түрлі негатив ойлар айтатын Қуат Хамитовқа жартылай қорғаушы Ринат Жұматов жауап қайтарды.
“Қуат Хамитов – клоун! Ақша үшін өзінің досын публично “унижатетіп” жүрген адам”, - деді Жұматов.
“Атырау” ойыншысы бұл ойын Instagram әлеуметтік желісіндегі жеке парақшасында жариялады. Және дәл осы жазбаны оқырмандарынан Хамитовқа жіберуін сұрады.
Өз кезегінде Қуатта қарап қалмады. Пост астындағы пікірге ол былай деп жауап қайтарды:
“Егер “терпила” болып шықпасаң болды”.
Осылайша қос спортшының арасында пікірлер қақтығысы орын алды. Негізінен Ринаттың мұндай жазба қалдыруына Хамитовтың қазақ футболшылары жайлы айтқан ойы түрткі болды.
“Футболшылар ерке қыздар секілді. Олардың пайдасынан гөрі проблемасы көп”, - деді жекпе-жек жауынгері.
Бұл Қуат Хамитовтың ел футболы жайлы айтқан алғашқы жазбасы емес. Бұған дейін, ММА файтері қазақ футболына бөлініп жатқан қаражаттың көп екенін, сондай-ақ футболшылар өз жалақыларына лайықты емес екенін айтқан еді.
