Риддер халқы ЖЭО-ны мемлекет меншігіне қайтаруды сұрайды
Риддер ЖЭО-да қалпына келтіру жұмыстары жалғасуда. Қала тұрғындары жылу маусымын толық қамтамасыз етпегені үшін кінәлілерді қылмыстық жауапкершілікке тартуды талап етеді деп хабарлайды Stan.kz ақпарат агенттігі 31-арнаның Информбюро арнасына сілтеме жасап.
Қыстан халық аман шықты, бірақ пәтерлерде әлі ыстық су жоқ. Тұрғындар ЖЭО-ны мемлекетке қайтаруды сұрайды.
Риддер тұрғындары көктемнің келуіне ерекше қуанды, өйткені олар пәтерде үсіп қалудан шаршады. Қыс бойы дерлік жергілікті ЖЭО апаттарына байланысты үйлер жылусыз қалды. Билік бұл мәселені шешуге уәде берді, тіпті ЖЭО-ға жаңа инвестор тартылды, бірақ өзгеріс байқалмады.
Өткен аптада ЖЭО-да тағы бір апат болды. Соның кесірінен Риддерде өңірлік ауқымдағы төтенше жағдай режимі жарияланды. Риддер әкімі қазіргі уақытта алты қазандықтың үшеуі жұмыс істеп жатқанын айтты. Қала басшысының айтуынша, жарылыс технологиялық процеске ешқандай әсер еткен жоқ, жабдықтар істеп тұр.
“Қазіргі уақытта үш қазандық жұмыс істейді: екі орташа қысымды және бір жоғары қысымды қазандық. Жеткізу температурасы - 49 градус. Қайтару – 36 градус. Сонымен қатар, бес нөмірлі қазандықты қалпына келтіру бойынша жөндеу жұмыстары жүргізілуде”, – деді Риддер әкімі Дмитрий Горьковой.
Күзетшілер ЖЭО-ға журналистердің кірмеуін мұқият қадағалап, объектіге жолатпады. ЖЭО-да жаңа инвестор компанияның басшылығы болған жоқ. Билік нысанды мемлекеттік меншікке қалай қайтару туралы тағы да ойлады.
Шығыс Қазақстан прокуратурасының тексеру нәтижелері бойынша "Риддер ЖЭО" АҚ заңнаманы бұзғаны, оның ішінде инвестициялық бағдарлама бойынша қаражатты мақсатсыз пайдаланғаны үшін 11 млн теңгеге айыппұл салды. 2020 жылдан бастап қала тұрғындары ЖЭО-ның апатты жағдайы туралы дабыл қағып келеді. Желілердің тозуы – шамамен 75%.