Ресей Қазақстанға екі жылдан кейін ет пен сүт жеткізуге рұқсат берді
Ресей 15 қаңтардан бастап Қазақстаннан мал шаруашылығы өнімдерін әкелуге шектеуді алып тастады. Енді Ресейге сиыр, қой, шошқа етін және сүт өнімдерін экспорттауға болады. Бұл туралы Stan.kz ақпарат агенттігі хабарлайды.
16 қаңтарда ауыл шаруашылығы министрлігінің баспасөз қызметі шектеу алынғанын хабарлады.
Ресей 2022 жылдың қаңтарында Қазақстанның бірқатар аймағындағы ветеринария мәселесіне байланысты ел өнімдерін импорттуды шектеді.
"Нарық дүниежүзілік жануарлар денсаулығы ұйымының ресми вакцинация мәртебесі бар мал шаруашылығы өнімдерін жеткізушілер үшін ашылады. Басқа өңірлерде жұмыс жалғасып жатыр", – деп нақтылады баспасөз қызметі.
Импортқа байланысты шектеулерді алып тастау туралы шешім 2023 жылғы желтоқсанда Қазақстан мен Ресейдің ауыл шаруашылығы министрлері Айдарбек Сапаров пен Дмитрий Патрушев арасында өткен келіссөз нәтижесінде қабылданды.
Екі елдің ауыл шаруашылығы ведомстволары "ЕАСУ" АЖ ақпараттық жүйелерін "Аргус-Фито" ФСЖ және "Меркурий" (Россельхознадзор) ФСЖ-мен біріктіруді жоспарлап отыр.
"Бұл ветеринариялық бақылау процедураларын жеңілдетеді және оңтайландырады, кедергілерді жояды, шекаралық бақылауды автоматтандырады және уақытын қысқартады", – деп мәлімдеді министрлік.