Президенттің кеңесшісі – баспасөз хатшысы Айбек Смадияровтің мәліметінше, мемлекет басшысы Қасым-Жомарт Тоқаев тексерілмеген ақпаратты жарияламайды. Егер ол 7 триллион теңге сомасында транзакциялар болғанын айтса, демек солай болған.

“Бұл ақпарат кең талқылауға арналған тақырып емес, Қаржылық мониторинг агенттігінің ғимаратында өткен кеңеске қатысушыларға жіберілген, яғни қатаң түрде қызметтік сипатта болған. Транзакциялар жүзеге асқан банк кім туралы сөз болғанын біледі. Президент саяси орындылық пен дипломатиялық хаттама талаптарын ескеріп, санкциялық режим жағдайында мұндай функцияны өз мойнына алған банктің атауын да, транзакциялық қаражаттың шыққан елін де, алушы елді де әдейі атамады”, – деді Президенттің кеңесшісі.

Бұған дейін президент Қасым-Жомарт Тоқаев қазақстандық банктердің бірі "көрші елден" 7 триллион теңгеден астам қаражатты басқа мемлекеттерге аударуға көмектескенін айтқан еді. Осыдан кейін реттеуші органдар бірқатар банктің трансшекаралық операцияларына тексеру бастаған. Қорытындысы келесі аптада жарияланбақ.

Ал күні кеше Ұлттық банк төрағасының орынбасары Берік Шолпанқұлов қазақстандық банктердің бірінен 7 триллион теңгеден астам қаржыны аудару туралы ақпаратқа пікір білдіріп, заңбұзушылық белгілері анықталмағанын айтты.

Саясат

Балнұр Рахматуллақызы

Жұма, 20 Ақпан, 2026 15:42

Біздің таңдауымыз

"Денем кез келген уақытта ісіп кетеді": Қазақстандық өзінің ісік ауруымен ауыратынын 50 жылдан кейін ғана білген

Қазақстанда шамамен 700-ден 1500-ге дейін пациент болуы мүмкін

Қазақстандықтар қытайлық сайттардан жануарларға тапсырыс беріп, өлтіріп алған

Тұрғын: "Сол кезде иіс қалай шығатынын айтып жеткізу қиын”