Пеш мұржасын ерте жауып тастаған: СҚО-да бір отбасының мүшелері иіс тиіп, уланып қалды
Солтүстік Қазақстан облысы Есіл ауданында бір отбасының 3 адамы иіс тиіп, ауруханаға түсті, деп хабарлайды Stan.kz ақпарат агенттігі.
СҚО Төтенше жағдайлар департаменті баспасөз қызметінің мәліметінше, 2 ақпан күні сағат 04.15-те Есіл аудандық ауруханасына Явленка ауылының тұрғындары – 25 жастағы ер адам, оның 34 жастағы әйелі және бір жастан енді асқан қыздарымен келген. Оларда иіс тиіп, улану белгілері болған.
Қазір зардап шеккендер аудандық ауруханада ем алып жатыр, жағдайы бірқалыпты.
Үй иесінің пеш мұржасын ерте жауып тастағаны анықталды. Салдарынан отбасы мүшелері көмірқышқыл газына уланып қалған.
Ауыл тұрғыны қауіпсіздік шараларын сақтамағаны үшін әкімшілік жауапкершілікке тартылды, енді айыппұл төлемек.
Түркістан облысында әскерге кеткен сарбаз мүгедек болып оралды
Жігіттің туғаннан жамбасында ұршық болмағанына қарамастан, әскерге баруға жарамды деп тапқан
Алма-Арасан тау бөктеріндегі жабық аумақ: Алма бағының ортасында кімдер коттедж салып жатыр?
Алма бақтарының арасында соңғы жылдары бірнеше ірі коттедж пайда болған