"Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы" заң жобасын парламент мәжілісі 2020 жылғы 3 маусымда мақұлдады. Сенат енгізген өзгерістер тұжырымдаманы өзгертпейді және мәжіліс мақұлдаған заң жобасының мазмұнын нашарлатпайды. Әкімшілік құқық бұзушылық туралы кодекстен түзетулерді алып тастау осы кодекске өзгерістер мен толықтырулар енгізуді талап ететін норманың 2020 жылғы 1 шілдеден бастап жеке заңмен ғана күшіне енуімен байланысты. Бас комитеттің отырысында келіп түскен өзгерістер жан-жақты қаралды. Осыған байланысты халықаралық істер, қорғаныс және қауіпсіздік комитеті сенат енгізген өзгерістермен келісуді ұсынады", - деді депутат Жанат Жарасов.

Заң жобасын сенат бірінші оқылымда 10 қыркүйекте мақұлдады, алайда екінші оқылымнан кейін ол мәжіліске қайтарылды. Жалпы, заң жобасы төрт кодекс пен он заңға өзгерістер мен толықтырулар енгізуді қарастырады.

Еске сала кетейік, заң жобасының негізгі міндеті сыбайлас жемқорлық көріністерінің жүйелі алдын алу бойынша қосымша шараларды енгізу болып табылады, атап айтқанда:

мемлекеттік қызметшілерге кез келген құнды сыйлықтарды сыйға тартуға тыйым салынады;
сыбайлас жемқорлық субъектілеріне дербес құрылымдық бөлімшенің басшысынан төмен емес лауазымды тұлғаларды, сондай-ақ квазимемлекеттік секторда сатып алумен айналысатын тұлғаларды жатқызу ұсынылады;
сыбайлас жемқорлыққа қарсы шектеулерді қабылдайтын тұлғалардың отбасы мүшелерінің материалдық сыйақыны, сыйлықтарды немесе қызметтерді қабылдауына тыйым салу енгізіледі.

Талқылау