Алматы облысындағы Маралсай шатқалында әйел жардан құлап кетті

Фото: Ru.freepik.com
Төтенше жағдай министрлігінің әскери қызметкерлері Талғар ауданындағы Маралсай шатқалында құлап кеткен әйелді тапты. Бұл туралы Stan.kz ақпарат агенттігі хабарлайды.
Төтенше жағдай министрлігіне қарасты 28237 әскери бөлімінің әскери қызметкерлері Іле-Алатау мемлекеттік ұлттық табиғи паркінің аумағында механикаландырылған патруль бағытымен жүріп келе жатып шатқал ішінде көмекке шақырып жатқан әйелді байқап қалған.
“Патрульдеу кезінде көмекке мұқтаж адам анықталды. Белгілі болғандай, 1986 жылы туған әйел абайсызда жардан құлап кетіп, өз бетімен шыға алмаған. Кезекші жасақтың күшімен зардап шеккен әйел құтқарылып, келген жедел жәрдем қызметкерлеріне тапсырылды”, – делінген хабарламада.
Әйелдің өміріне қауіп төнген еді. Ал құтқарушылар қауіптің алдын алды.
Бұған дейін Алматы тауында жоғалып кеткен 18 жастағы студенттің мәйіті табылған еді.
"Жүрек тұсынан электрошокермен ұрып өлтірген": ҚазҰУ жатақханасында қаза тапқан студенттің туыстары оқиға туралы айтып берді
Туысы мәйітхана қызметкерлері Дауылдың өліміне жүрек тұсына тиген қатты соққы себеп болғанын айтқанын жеткізді
13 жыл бұрын үздік атанған алты шенеуніктің бесеуі сотталып кетті: Бұған не әсер етті
Тізімнің алғашқы төрттігіне Қуандық Бишімбаев, Самат Әбіш, Марат Бекетаев пен Дәулет Ерғожин енген