Ойыншық мылтық ұстаған жігіт Семей тұрғындарын қорқытты

Қала орталығында оптикалық көздеуіші бар мылтық ұстап жүрген бала Семей тұрғындарын қорқытты. Тұрғындар шағымы бойынша оқиға орнына келген полицейлер жасөспірімді ұстады, деп хабарлайды Stan.kz ақпарат агенттігі.

29 наурызда тұрғындар "Радуга" сауда үйі аумағында мылтық ұстаған адамның жүргені туралы хабарлаған. 

Полицейлер бірден оқиға орнына барып, "қаруланған" жасөспірімді ұстады. Анықталғандай, ойыншық мылтықты 17 жасқа толғанда ата-анасы берген ақшаға сатып алған. 

Ювеналды полиция жасөспіріммен әңгімелесіп, ойыншық мылтықты қайтарып берді.