"Менің ойымша, Мәжіліс кәдімгідей жаңарады. Біз бір мандатты округтер бойынша депутаттыққа кандидаттардың, соның ішінде жаңа тұлғалардың, жаңа саяси партиялардың өкілдерінің көп екенін көріп отырмыз. Партиялық тізімде екі жаңа партия бар. Сондықтан Мәжіліске көптеген жаңа адамдар келеді деп ойлаймын, бірақ сонымен бірге қандай да бір сабақтастық болуы керек. Бұл саяси жүйенің тұрақтылығын қамтамасыз ету тұрғысынан өте маңызды. Бірақ жалпы, соңғы айда байқалған белсенділікті, бәсекелестікті көріп, партиялар мен өзін-өзі ұсынушылардың Парламентке кіріп, еліміздің одан әрі дамуына өз үлестерін қосуға мүмкіндіктері бар деп айтуға болады", - деді Мәулен Әшімбаев.

Сондай-ақ журналистер Сенат спикеріне Парламентке оппозиция қажет пе деген сауал жолдады.

"Иә, Парламентке оппозиция қажет. Оппозиция әрқашан қажет. Айта кету керек, оппозиция сындарлы болуы керек. Біздің одан әрі дамуымыз үшін саяси әрі сындарлы оппозиция қажет. Бұл бағытта тиісті заңдар қабылданды. Тиісті нормалар бар. Егер олар өздерін оппозиция деп жарияласа, оларға мүмкіндік беріледі, құқықтары бар. Біз құқықтық жүйені қалыптастырдық және ол жұмыс істеуі керек", - деді Әшімбаев.

Ол сондай-ақ “билік партиясы қайтадан үстемдік ете ме?” деген сұраққа жауап берді.

"Шешімді біздің азаматтар қабылдайды. Халық қалай дауыс береді. Сол шешім түпкілікті болады. Басқа ешкім дауласа алмайды. Мұның бәрі халықтың пікіріне, халықтың таңдауына байланысты. Жалпы, біз осындай бәсекеге қабілетті, өкілетті Мәжілісті көреміз деп ойлаймын", - деп атап өтті Сенат спикері.

Талқылау