Оңтүстіккореялық әнші PSY заңсыз психотроптық дәрі пайдаланды деген күдікпен ұсталды
Фото: Getty Images
Gangnam Style хитінің орындаушысы, әлемге PSY лақапатымен белгілі оңтүстіккореялық әнші Пак Чжэ Сан медициналық заңнаманы бұзғаны үшін ұсталды. Бұл туралы Stan.kz ақпарат агенттігі Yonhap басылымына сілтеме жасап хабарлайды.
Дереккөз мәліметінше, әнші медициналық заңнаманы бұзып, рецепт бойынша берілетін психотроптық дәрі-дәрмектерді ауруханаға жеке бармай, үшінші тұлғалар арқылы алды деп айыпталды. Әртістің дәрігері оның ұсталғанын растады.
“Пак Чжэ Сан 2022 жылдан бері Сеул университетінің ауруханасынан “тәуелділік қаупі жоғары” екі препаратқа рецепт алып келген. Оның менеджері және басқа да үшінші тұлғалар дәрілерді оның атынан алып отырған, – делінген басылымда.
Алайда PSY-дың дәрігері барлық айыпты жоққа шығарды. Оның айтуынша, науқас қашықтан кеңес алып жүрген.
“PSY-ға созылмалы ұйқы бұзылысы деген диагноз қойылған, ол дәрігердің нұсқауымен ұйықтататын дәрілер қабылдайды. Рецепт сенімхат арқылы берілмеген, кейбір жағдайларда үшінші тұлғалар оның атынан дәрілерді алып отырған”, – деп мәлімдеді әртістің агенттігі.
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
