Нұр-Сұлтанда БАӘ мен Түркиядан келгендер карантинге жатудан бас тартып, шу шығарды

БАӘ мен Түркиядан келген 22 жолаушы Нұр-Сұлтандағы екі күндік карантинге жатудан бас тартты. Оларда жаңа ПТР-сынамасының нәтижесі жоқ болып шықты. Дәрігерлер шетелден келгендерді бірнеше сағат бойы көндірді. Бір адам қашып кетуге тырысты, деп хабарлады әкімдіктегілер.

«22 адам карантинге жатудан бас тартты, олар автобустан түспей қойды. Біз көндірдік, олар ұрыс шығарып, бағынғысы келмеді. Әртүрлі себептер тапты. Тек түнде ғана карантиндік ауруханаға бірінен соң бірі кіре бастады», - деді Ramada Plaza Astana-дағы аурухананың директоры Жұлдыз Данбаева.

Полиция 42 жастағы тұрғынға шара қолданды.

«Ер адам Түркиядан әйелімен, баласымен ұшып келді. Оның отбасы барлық процедуралардан өтті. Ал өзі тест нәтижесін күтпейтінін айтып қашып кетуге тырысты. Полиция шара қабылдады», - деді Жұлдыз Данбаева.

Елорда әкімдігінің хабарлауынша, халықаралық рейстерден келген 150 жолаушы Нұр-Сұлтандағы қонақ базасындағы карантиндік ауруханада оқшауланған.

Алматыда COVID-19 үшін ПТР анықтамасы жоқ 230 жолаушы карантиндік ауруханаға екі күн жатқызылды деп хабарланды.

6 қазанда Қазақстанның бас санитарлық дәрігері Ерлан Қиясовтың жаңа қаулысы күшіне енді.

Шетелден Қазақстанға келген барлық адам термометриядан өтеді, сауалнама толтырады және Қазақстан Республикасының мемлекеттік шекарасынан өту кезінде 72 сағаттан аспаған ПТР анықтамасын ұсынады.

Қазақстан азаматтығы жоқ азаматтарға анықтама болмаған жағдайда елге кіруге тыйым салынады.

Қазақстан азаматтары анықтама болмаған жағдайда карантиндік стационарда екі күн бойы ПТР-мен COVID-19 зертханалық тексерісі үшін оқшаулауға жатады. Азаматтардың талдау нәтижесі бюджет есебінен төленеді.

Талқылау
Пікір
Қазір оқып жатыр
Çàãðóçêà...
Қазір оқып жатыр