"Семіздер жеп қойыпты": Ақтауда фитнес-орталықтың жаттықтырушысы желіде әйелдерді қорлап жазба жариялаған
Ақтау қаласында фитнес-орталықтың жаттықтырушысы қала тұрғындарының шағымынан кейін жұмыстан босатылды. Ол желідегі жеке парақшасына толық әйелдерді қорлайтын жазбажариялаған. Бұл туралы Stan.kz ақпарат агенттігі хабарлайды.
Халықаралық әйелдер күні қарсаңында жаттықтырушы Instagram-да толық әйелдерді мазақтайтын суреттер мен жазбаларды жариялаған. Скриншоттар тез таралып, мессенджерлер мен қала пабликтерінде қызу талқыланды.
Мысалы, бір суретке жаттықтырушы былай жазған: "Егер семіз болмасаң, гүлді алып көр"
Тағы бір суретте:
"Қысқасы, киндер жоқ. Семіздер өздерінің өтірік жаттықтырушыларымен бәрін жеп қойған. Жарайды, мен оны іздеп көрейін. Барлығын қарап шықтым, тоңып қалдым", – деген ол.
Фото: Желіден скрин
Жаттықтырушының бұл суреттері мен жазбалары интернетте жылдам таралды. Ақтау тұрғындары мұндай құрметсіздікке ашуланды. Тіпті басқа қалалардың желі қолданушылары да сынға қосылды. Олар:
“Әйелдер жаттықтырушыларға көмек алу үшін келеді, сыналуға емес. Ал жаттықтырушының міндеті – адамдарды спортқа ынталандыру және қолдау, қорлау емес”, "Бүгін Ақтаудағы жаттықтырушы семіз қыздарды мазақтап отырғанын көрдім. Шынын айтсам, мұндай адамдардың өздерін жаттықтырушы деп атағаны ұят. Зал – қорлау орны емес. Зал – адамдар өмірін өзгертетін, қорқынышпен күресетін және күшті болуға тырысатын орын. Ең күшті адамдар – қиын әрі қорқынышты кезде сол жерге келеді. Егер жаттықтырушы бұны түсінбесе, ол тек кәсібінде кездейсоқ адам. Тәрбиесі жоқ!" – деп жазды жұртшылық.
Фитнес-орталық әкімшілігі жаттықтырушының Instagram желісіндегі рұқсатсыз және қорлау жазбалары үшін кешірім сұрады. Олар мұндай жарияланымдардың клуб құндылықтарына қарсы келетінін хабарлап, ішкі тексерістен кейін жаттықтырушыны жұмыстан шығарғанын айтты.
"Мұндай әрекеттер біздің команда құндылықтарына және стандарттарына, яғни құрметке, кәсібилікке, жоғары қызмет көрсету деңгейіне және әр клиент үшін қауіпсіз әрі жайлы ортаны жасауға қайшы! Ішкі тексерістен кейін бұл қызметкер өз лауазымынан алынды", – деді фитнес орталық.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
