AAPL
149.32 $
0.46 %
TSLA
1018.43 $
-0.63 %
NDAQ
201.48 $
-0.01 %
GOOGL
2786.17 $
1.35 %
FB
315.81 $
-3.92 %
FRHC
66.35 $
-0.41 %
AAPL
149.32 $
0.46 %
TSLA
1018.43 $
-0.63 %
NDAQ
201.48 $
-0.01 %
GOOGL
2786.17 $
1.35 %
FB
315.81 $
-3.92 %
FRHC
66.35 $
-0.41 %
Соңғы жаңалықтар
Соңғы жаңалықтар

"Бір мұғалім үш пәннен сабақ береді": Сенатор ауыл оқушыларының жағдайына алаңдаушылық білдірді

Сенатор Ақылбек Күрішбаев өзінің депутаттық сауалында ауыл жастарының жоғары білімге қол жеткізу проблемасын айтты, деп хабарлайды Stan.kz ақпарат агенттігі. 

Cенатор Ақылбек Күрішбаев ауылдағы білім деңгейі көбінесе қалалық деңгейден артта қалатынын айтады.

“Ауылдық жерлерде педагогтердің тапшылығы 2100-ден астам адамды құрайды, бұл республиканың педагог кадрларға деген зәруліктің 60%-ға жуығы болып отыр. Соның нәтижесінде көптеген ауыл балалары грант алу үшін ҰБТ-да қажетті балл жинай алмайды, ал олардың көпшілігінде ақылы оқуға мүмкіндік жоқ”, – дейді депутат. 

Депутат аграрлық мамандықтарға түсу үшін ауылдық квотаны 30%-дан 50%-ға дейін көтеруді ұсынып отыр.

Оның айтуынша, жыл сайын жоғары оқу орындары түлектерінің тек 30%-ы ғана ауылға жұмысқа келетіні, соның салдарынан ел бюджетінде жыл сайын 1,5 млрд теңгеге тиімсіз жұмсалатыны туралы деректі келтірді.

"Көптеген жылдар бойы парламент депутаттары Білім және ғылым министрлігінің алдында ауыл мектептерінің түлектеріне аграрлық мамандықтарға түсу үшін ауылдық квотаны 30%-дан кем дегенде 50%-ға дейін арттыру қажеттілігі туралы мәселені көтеріп келеді. Бірақ мәселе табанды түрде шешілмей отыр. Аграрлық университеттерді бітірушілердің, ауылдық жерлерге жыл сайын тек 30%-ы ғана жұмысқа орналасады, қалғандары мемлекеттік қаражат есебінен оқып, жұмыссыздар қатарын толықтыра отырып, қалаларда қалады", – деп мәлімдеді сенатор Ақылбек Күрішбаев.

Сенатор елімізде білім беру гранттарын бөлу тетігіне өзгерістер енгізетін кез келді деп санайды. Ол мемлекеттік грант пен стипендияны тест нәтижесі мен үлгерімі негізінде ғана емес, сондай-ақ мемлекеттің қолдауынсыз оқи алмайтындарға әлеуметтік көмек көрсету мақсатында бөлу қажеттігін де атап өтті.

"Ауыл мектептерінде бір мұғалім физика, әдебиет және музыканы оқытатын жағдайлар бар. Қала мен ауыл мектептерінің материалдық-техникалық базасы салыстыруға келмейді", – деді депутат.

Талқылау
Пікір
Қазір оқып жатыр
Çàãðóçêà...
Қазір оқып жатыр