“Мисс Астана” 21 жасар заң факультетінің студенті болды
Қазақстанның елордасында «Астана аруы-2015» конкурсының финалы өтті. Тараз университеті заң факультетінің студенті Камила Темірова жеңімпаз атанды.
Бану Қадырханова, Гауһар Жұмағатова және Виктория Алексеева вице-ару атанды.
Конкурс финалында «Астана аруы» атағына 20 үміткер қатысып, бағын сынағанын атап өткен жөн.
“Өзіме сән үлгісін көрсеткен ұнайды, әлі де болса онымен айналысу жоспарда бар. Бірақ бұл менің қызығушылығым. Онымен айналысу маған ұнайды. Меніңше, кез-келген қыздың қызығушылығы болу керек. Әрине, ол уақытша нәрсе. Келешекте мен заңгер немесе басқа маман иесі болуым мүмкін ғой”, – BNews.kz сайты қыздың сөзін келтіреді.
Камила Темірова байқаудың демеушілерінің атынан бас жүлдеден басқа бір каратты гауһарға ие болды. Жеңімпаздың айтуынша бұл сыйлықты анасына бермекші. “Әрине, мен оны, сүйікті анашыма беремін. Ол менің тіреуішім”.
Талқылау