Министрлік ит ұстайтындарға "салынатын салыққа" қатысты пікір білдірді
Ұлттық экономика министрлігі ит ұстайтындарға “салынатын жаңа салық” жөніндегі ақпаратқа пікір білдірді. Бұл туралы Stan.kz ақпарат агенттігі хабарлайды.
Министрліктің хабарлауынша, жаңа салық туралы ақпарат әлеуметтік желілер мен мессенджерлерде тарап жатыр.
“Дайындалып жатқан жаңа салық кодексі салықтың бұл түрін қарастырмайды. Қазақстанда "ит салығы" енгізілмейді", – деп хабарлады министрлік өкілдері.
Еске салсақ, Ақмола облысында депутат тұрғындардың көзінше итті көлігімен басып өткені айтылды. Қайрат Ауғалиевке 18 мың теңге айыппұл салынған екен.
Талқылау