"Жоқ, әсер етеді деп ойламаймын. Өйткені олар ұзақ уақыт бойы санкцияларға ұшырағандықтан, Ресейде рубль/доллар жұбы сатылатын басқа биржалары, платформалары бар. Олар қазір, біздің білуімізше, осы балама сайттарға көшіп жатыр", – деді Сүлейменов cенат кулуарында.

Журналистер банк төрағасына экономистердің рубльмен операцияларды тоқтатуды ұсынатынын алға тартты. Ұлттық банк басшысы мұны сарапшылар ресейлік айырбастау пунктеріндегі доллар бағамының көтерілуіне байланысты айтып отырғанын мәлімдеді.

“Нақтылық, сенімділік жоқ кезде олар аздап қобалжи бастайды. Бірақ рубль түбегейлі, өзі тұрған деңгейде. Ал қор биржасы – алаң. Рубльдің, теңгенің және басқа валюталардың айырбас бағамына әрқашан іргелі факторлар әсер етеді. Экономика қандай мықты болса, төлем балансы соншалықты күшті. Сондықтан рубль көріп отырғанымыздай, өзгерген жоқ", – деп түйіндеді Тимур Сүлейменов.

Құрбан айт намазы қай уақытта оқылады: Кестесі жарияланды

Ол сондай-ақ санкциялардың Қазақстан қор биржасына ешқандай өзгеріс әкелмейтінін түсіндірді.

12 маусымда АҚШ-тың Қаржы министрлігі мен оның шетелдік инвестицияларды бақылаушы ұйымы OFAC Мәскеу биржасына қарсы санкция жариялады. Көп ұзамай Мәскеу биржасы 13 маусымнан бастап доллар және еуромен валюта жұптары бойынша сауда болмайтынын хабарлады. 2024 жылдың 1 маусымындағы жағдай бойынша Мәскеу биржасы KASE орналастырылған акцияларының 13,1%-ына ие.

Ал кейбір ақша айырбастау орындарында доллар 455-456 теңгеге, рубль 5,05 теңгеге сатылып жатыр. Бір күн бұрын америкалық валюта 452,5-453 теңге аралығында сатылды, рубльге қатысты бағам әлі өзгерген жоқ.

Талқылау