"Махаббаттары баянды болсын": Луина Алматының төрінде тойын дүркіретіп атап өтті (фото, видео)
Алматының төрінде танымал әнші Луина мен күйеуі Артемнің тойы өтті, деп хабарлайды Stan.kz ақпарат агенттігі.
Күні кеше ғана Луина әлеуметтік желідегі парақшасында некесін шариғат бойынша қидырғанын айтып, қуанышын бөліскен еді. Енді міне әншінің достары мен жақындары оның тойының суреттері мен видеоларын бөлісуде.
Осы уақытқа дейінгі сұхбаттарында әнші дүбірлі той жасамайтынын айтқан болатын. Сондай-ақ, ол сүйіктісін клипіне түсіріп, тыңдармандарына таныстырды.
Тыңдармандары өз кезегінде желідегі парақшасында бақыт тілейтінін жарыса жазып жатыр.
«Жігіт жолдас пен қыз жолдас жоқ сияқты», «Бұл да Көктебе ме?», «Қалай күшті, Сіздерге бақыт тілеймін», «Алла махаббаттарыңызды баянды етсін», «Не деген керемет көрініс», «Луина сіз бақытты болуға лайықсыз» деп жазды желі қолдануышлары.
Талқылау