Мадридтегі Украина елшілігінің ғимаратында жарылыс болды

Мадридтегі Украина елшілігінің ғимаратында жарылыс болып, бір адам жапа шекті, деп хабарлайды Stan.kz ақпарат агенттігі “Украинская правда” басылымына сілтеме жасап.

Испания полициясының мәліметінше, хат әкелген қызметкер зардап шеккен. Ол жеңіл жарақат алды.

Полиция терроризм фактісі бойынша тергеуді бастады. Дипломатиялық өкілдік орналасқан аудан қоршауға алынды. Оқиға орнына жарылғыш заттарды залалсыздандыруға мамандандырылған отрядтар келді.

Конвертте кішкене қолдан жасалған жарылғыш заттар болған. Хат елшіге жіберілді, бірақ сканерден өтпеді.

Оқиғадан кейін Украина СІМ басшысы барлық украиналық дипломатиялық мекемелерге қауіпсіздік шараларын күшейтуді тапсырды.

Украина елшісінің айтуынша, хат жарылған жоқ, керісінше оның атына жеке жолданған бандероль атылды. Хатшы алғашында бұған күмәнмен қараған, өйткені оның мекенжайы жазылмады және ол әдетте дипломаттарға жіберілетін поштаға ұқсамады.

Хатшы пакетті елшілікті күзетуге жауапты комендант-қызметкерге тапсырды.

"Пакетте қорап болды, сондықтан комендант күдіктеніп, оны ашпас бұрын далаға шықты және қасында ешкім болмауын қарастырды. Ол ашқан бойда бірдеңе қосылғанын естіп, оны бірден лақтырып жіберді, содан кейін жарылысты естіді", – деді Сергей Погорельцев.

Елші қызметкердің қолын жарақаттанғанын, сонымен қатар ол контузия сияқты зақым алғанын айтты.

Испания билігі оқиғаны тергеуге бар күшін салуға уәде берді