Қылмыскер жұмысқа адам өлтіргендіктен келмедім, деп мәйіттің суретін жіберген

Ливерпульде сыраханадан шыққан Иэн және оның 38 жастағы досы Роберт Сэмпи үйлеріне бірге қайтқан. Қылмыскер «Терминатор» фильміндегі музыканы әндетіп жүріп, досына шабуыл жасаған. Ол жәбірленушінің мойнына төрт рет пышақ сұғып, бірнеше рет басынан ұрған.

Бұл туралы Stan.kz ақпараттық агенттігі хабарлайды.

Ол бұнымен қоймай қансырап жатқан жолдасын мазақ қылып, оны видеоға түсірген.

Кісі өлтіруші бастығының полицияға берген «Ватсап» желісі арқылы сөйлескен хатынан кейін қамауға алынды.

“Достым, бәрі дұрыс па? Бүгін Алекс сені отбасылық себептермен жұмысқа келмегеніңді айтты”,-деп жазған кісі өлтіруші жұмыс істейтін мекеменің басшылығы.

“Досым, егер шындықты білгің келсе, онда мен түнде біреуді өлтіріп қойдым. Ал қазір бұл мәселені шешу керек”,-деген жауап жазған қылмыскер.

Жолдасын өлтіргенін өзі мойындаған қылмыскер сөзін растау үшін тіпті, мәйітті суретке түсіріп, бастығына жіберген.

Қайтыс болған адамның отбасы әкесінің жанынан бір елі шықпайтын марқұмның кішкентай қызына оның қайтыс болғанын қалай айтамыз, деп қайғыдан қан жұтуда.

Ал, қылмыскердің жасаған әрекеті әшкере болғаннан кейін, ол жауапқа тартылды. Ливерпуль соты айыпталушы шартты түрде босатылып шығу туралы өтініш білдіру үшін, алдымен 21 жыл түрмеде отырып, жазасын өтеуі тиіс екенін айтты. Сонымен қатар, оның 31 жасар құрбысы Кирсти Джервис мәйітті бақшада жасыруға көмектескені үшін екі жыл сегіз айға бас бостандығынан айырылды.

Stan.kz сайтын Telegram арқылы оқыңыз. Арнамызға жазылыңыз.