Қорғаныс министрлігі Ақтөбедегі тікұшақ апатының алдын ала себебін атады
Қорғаныс министрінің орынбасары Шайх-Хасан Жазықбаев Ақтөбе облысындағы тікұшақ апатының алдын ала себебін атады. Бұл туралы Stan.kz ақпарат агенттігі хабарлайды.
Шайх-Хасан Жазықбаевтың сөзінше, апаттың негізгі себебі техникалық ақау болуы мүмкін.
“Апаттан көз жұмған әскеридің отбасына көңіл айтамыз. Қазір қызметтік тексеріс тағайындалған. Қандай жағдай болғаны анықталып жатыр. Әртүрлі нұсқа (апат себебіне қатысты – ред.) айтылып жатыр. Бірақ соның ішіндегі ең негізгісі – техникалық ақау”, – деді ол.
Еске салайық, 9 қарашада Ақтөбе облысында әуе қорғанысы күштері әскери институтының Ми-8 тікұшағы апатқа ұшырап, 1 адам опат болған еді. Бортта болған тағы екі адам жарақат алған.
Кейін апаттан көз жұмған азаматтың Әскери институт авиациялық эскадрильясының офицер-нұсқаушысы, майор 36 жастағы Батыр Оразымбетов екені айтылды.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан