Қызметте қаза тапқан полицейлердің отбасыларына арналған жәрдемақы өседі: Тоқаев жаңа заңға қол қойды

Мемлекет басшысы Қасым-Жомарт Тоқаев өнеркәсіптік қауіпсіздік саласындағы авариялық-құтқару қызметтерінің жұмысын ретке келтіріп, қызметте қаза тапқан полицейлердің отбасыларына арналған жәрдемақыны арттыру көзделген заңға қол қойды, деп хабарлайды Stan.kz ақпарат агенттігі Ақорда сайтына сілтеме жасап.

"Мемлекет басшысы "Қазақстан Республикасының кейбір заңнамалық актілеріне өнеркәсіптік қауіпсіздік, индустриялық аймақтар, жануарлар дүниесі, ерекше қорғалатын табиғи аумақтар, энергетика, табиғи монополиялар және ішкі істер органдары қызметкерлеріне тұрғын үй төлемдері мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды", - делінген хабарламада. 

Қазір ІІО қызметкерлеріне тұрғын үйді жалға алғаны үшін өтемақы төленеді.  Бұрын мүлікті сатып алуға мүмкіндік жоқ еді. Жаңа заң бұл қаражатты жалдау ақысын төлеуге де, ипотекалық бағдарламалар аясында тұрғын үй сатып алуға да мүмкіндік береді. Сонымен қатар, полицей қызмет кезінде қайтыс болған жағдайда оның отбасы ипотека шарты бойынша міндеттемелер орындалғанға дейін осы төлемдерді ала береді.

Сондай-ақ, жаңа заң қауіпті өндірістік объектідегі жазатайым мен оқыс оқиғаларды тергеудің бірыңғай тәртібін белгілейді, апаттар мен жағдайларды тергеу жөніндегі комиссиялардың өкілеттіктерін, оларды құру тәртібін, тергеулерден кейін ұйымдардың нәтижелері мен іс-әрекеттерін тіркеуді егжей-тегжейлі қарастырады.