Қытайда жолаушылар мінген ұшақ өртеніп кетті

Қытайда әуежайдағы ұшу-қону жолағынан жолаушылар ұшағы шығып кетіп, отқа оранды, деп хабарлайды Stan.kz ақпарат агенттігі Xinhua басылымына сілтеме жасап. 

Апат бейсенбі күні жергілікті уақыт бойынша 08:00-шамасында болған. Қытайлық Tibet Airlines әуе компаниясына тиесілі А319 лайнері ұшу-қону жолағынан шығып, Чунцин қаласындағы әуежайда жанып кеткен. Бортта 122 адам болған. 

Олардың 113-і жолаушылар, 9-ы экипаж мүшелері. Қаза тапқандар мен жапа шеккендер жоқ. 

Алайда агенттіктің дереккөзі 40-тан аса адамның жарақат алғанын, олардың ауруханаға жеткізілгенін мәлімдеген. Әзірге апаттың себебі анықталып жатыр. 

Оқиғадан соң әуежайдағы ұшу-қону жолағы жабылған, кей рейстер кешіктірілді. Ал қонуы керек болған ұшақтар Чэнду Шуанлю әуежайына жіберілген.