Қазақстандықтардың басым көпшілігінің зейнетақы жинағы 500 мың теңгеге жетпейді
2020 жылғы 1 қыркүйектегі Қазақстан халқына жолдауында президент Қасым-Жомарт Тоқаев 2021 жылы БЖЗҚ салымшылары өздерінің зейнетақы жинақтарының бір бөлігін тұрғын үй сатып алуға, емделуге немесе қаржы компанияларының басқаруына беруге пайдалана алатынын атап өтті. Осыған байланысты мемлекет басшысының тапсырмасы бойынша биыл жыл соңына дейін барлық қажетті нормативтік-құқықтық актілерді түпкілікті қабылдау үшін дайындық жұмыстары жүргізілуде, деп хабарлайды Stan.kz ақпарат агенттігі.
"2020 жылғы 1 қыркүйекте есепшоттарында зейнетақы жинақтары бар міндетті зейнетақы жарналарының (алушылардың) 10 870 610 салымшысының (алушысының) 5 615 939-ы ер адамдар, 5 254 671-і әйелдер. Олардың жалпы жинағы 11 942 813 миллион теңгені құрайды, оның 7 040 032 миллион теңгесі ерлерге, ал 4 902 781 миллион теңгесі әйелдерге тиесілі", - делінген БЖЗҚ хабарламасында.
Қазақстандықтардың қанша зейнетақы жинақтары бар:
500 мың теңгеге дейін - 5 906 632 адам;
501 мыңнан 1 млн теңгеге дейін - 1 590 837 адам;
1 млн теңгеден 3 млн теңгеге дейін - 2 348 114 адам;
3 млн - 5 млн теңгеден бастап - 634 188 адам;
5 млн - 8 млн теңгеден бастап - 238 931 адам;
8 млн теңгеден жоғары - 151 908 адам.
Сонымен бірге ерлердегі жинақ ақшаның орташа мөлшері 1 254 мың теңгені, ал әйелдердікі 933 мың теңгені құрайды.
"Алайда, өткен жинақтау кезеңінде жарналарды жүйелі түрде жүзеге асырған салымшылардың зейнетақы жинақтарын бағалайтын болсақ, 1998 жылдан бастап ай сайын жарналар аударған салымшылар арасында жинақтардың орташа сомасы ерлерде 5,8 млн теңгені және әйелдерде 4,4 млн теңгені құрады", – деп хабарлады БЖЗҚ.