Қазақстандықтар БЖЗҚ сайтына кіре алмай жатыр

Бірыңғай жинақтаушы зейнетақы қорының сайты іркіліспен жұмыс істеп жатыр, деп хабарлайды Stan.kz ақпарат агенттігі. 

БЖЗҚ баспасөз қызметінің хабарлауынша, сайт техникалық себептерге байланысты жұмыс істемей тұр.

БЖЗҚ сайтының басты бетін ашқан кезде қолданушылардың экранында "Қате" деген жазу шығып жатыр.

Дегенмен кейбір қолданушылар порталға кіруге мүмкіндік алады. Сайтта жүктемелік тестілеу өткізіліп жатқаны туралы хабарланады.

"2021 жылғы 2 қаңтардан 4 қаңтарға дейін қордың корпоративтік сайтында, мобильді қосымшада және жеке кабинетте техникалық жұмыстар жүргізіледі. Осыған байланысты кейбір сервистер уақытша қолжетімсіз болуы мүмкін", - делінген enpf.kz сайтындағы хабарламада.

Бұған дейін қазақстандықтар алуға болатын зейнетақы сомасын БЖЗҚ сайтынан көре алатыны хабарланды.