Қазақстандық теннисшілер Уимблдон-2025 іріктеуін үш жеңіспен бастады

Фото: instagram.com / skatov_timofey

Уимблдон-2025 турнирінің іріктеу кезеңінде Қазақстан атынан қатысқан төрт теннисшінің үшеуі алғашқы айналымнан сәтті өтті. Бұл туралы Stan.kz ақпарат агенттігі хабарлайды.

Михаил Кукушкин (ATP рейтингінде 190-орын) алғашқы кездесуінде бразилиялық Тиагу Зайбота Вилдамен (120) күш сынасып, алғашқы сетте жеңілгеніне қарамастан, кейінгі екі партияда басымдық танытып, 4:6, 6:4, 6:3 есебімен жеңіске жетті.

Тимофей Скатов (212) италиялық Стефано Наполитаноны (684) қарсыласынан айқын басым болып, 6:1, 6:4 есебімен тізе бүктірді. Ал Бейбіт Жукаев (251) украиналық Виталий Сачкомен (213) болған тартысты кездесуде жеңісті жұлып алды — 7:5, 4:6, 7:6.

Өкінішке қарай, Дмитрий Попко (178) іріктеудің алғашқы кезеңінде аргентиналық Роман Андрес Бурручагадан (133) 2:6, 1:6 есебімен жеңіліп, жарыс жолынан шығып қалды.

Айта кетейік, турнирдің негізгі кезеңінде ел намысын Александр Бублик (30) пен Александр Шевченко (97) қорғайтын болады. Бұған дейін, Бубликтің АТР рейтингінде жоғарылағанын хабарлаған едік.