Қазақстанда ту өртеген 12 адам қамауға алынды
Фото:depositphotos.com
Қазақстанда ту өртеген 12 адам қамауға алынды. Бұл туралы Stan.kz ақпарат агенттігі хабарлайды.
Алматы облысы полиция департаментінің хабарлауынша, 13 қарашада Алматы облысының Ұйғыр ауданында полиция шет мемлекеттік туды және мемлекет басшысының бейнесін өртеп, өзге де құқыққа қайшы әрекеттер жасаған азаматтардың топтасқан санкцияланбаған жиналысын тоқтатқан.
"Материалдарды сотта қарау қорытындысы бойынша 12 азамат Әкімшілік құқық бұзушылық туралы кодекстің 434-бабы бойынша әкімшілік жауапкершілікке тартылып, 15 тәулікке дейінгі мерзімге әкімшілік қамауға алынды.Сонымен қатар, тағы 6 қатысушыға 20 АЕК мөлшерінде айыппұл салынды", - делінген хабарламада.
Бұл фактіге қатысты араздықты қоздыру бойынша қылмыстық іс тіркелді. Қажетті тергеу әрекеттері жүргізіліп жатыр.
Полиция мемлекеттік рәміздерге қол сұғу, сондай-ақ араздық тудырып, қоғамдық қауіпсіздікті бұзуға бағытталған кез келген әрекет заңның өрескел бұзылуы екенін және мұндай фактілер қатаң заң тәртібімен тоқтатылатынын қатаң түрде ескертеді.
"Үш сағат істейтінді бізде он минутта бітіреді": Германиядағы қазақ дәрігері сүндеттеу ісінде Қазақстан қалай алға кеткенін айтып берді
