Қазақстанда локдаунның қандай жағдайда енгізілетіні айтылды
Еліміздің кейбір қалаларында локдаун жағдайы енгізілуіне қатысты Денсаулық сақтау министрлігі жауап берді, деп хабарлайды Stan.kz ақпарат агенттігі.
"8 наурызда халықтың карантин режимін бұзуының салдарынан, бүгінде Нұр-Сұлтан мен Алматы қаласында коронавирус індетіне шалдығушылар санының өсуін байқап отырмыз. Елорданың бас санитар дәрігерінің шешіміне сәйкес, 18 наурыздан бастап Нұр-Сұлтанда карантин шаралары күшейтіліп, ал 21 наурызда толықтай локдаун енгізіледі. Локдаун қанша уақытқа созылады? Бұл бәрімізге байланысты, яғни қаншалықты біз бас санитар дәрігердің талабын сақтаймыз соған байланысты", - деді ҚР ДСМ Тауарлар мен көрсетілетін қызметтердің сапасын және қауіпсіздігін бақылау комитетінің ресми өкілі Ержан Байтанаев.
Айта кетсек, еліміздің бас санитар дәрігері Ерлан Қиясовтың мәлімдеуінше, биыл 17 наурыздағы жағдай бойынша Қазақстанда COVID-19-ға оң нәтижемен 226 767 науқас, ал КВИ-дің теріс нәтижесімен 49 896 жағдай тіркелді. КВИ оңнан 208 074 және КВИ терістен 45 428 науқас сауығып шықты. Ақпанда қаңтармен салыстырғанда науқастар саны 30 пайызға төмендегі байқалды.
Бұған дейін, Қиясов келе жатқан Наурыз мейрамын тойлауға қатысты өз ойын білдірген болатын.
Еске сала кетсек, елордада локдаун енгізілетіні туралы бұған дейін хабарлаған едік.