Соңғы жаңалықтар
Соңғы жаңалықтар

Қазақстанда электронды цифрлы қолтаңба алу жеңілдейді

23 сәуірден бастап елімізде eGov.kz порталынан мобильді құрылғының камерасы арқылы ЭЦҚ-ны қашықтан алуға болады, деп хабарлайды Stan.kz ақпарат агенттігі. 

ЕЦҚ

Бейне тексеру қызметі – Digital ID – пайдаланушыларға компьютерде камера болмаған жағдайда ұялы телефон арқылы QR кодты пайдаланып ЭЦҚ-ны қашықтан алу үшін сәйкестендіру процедурасынан өтуге мүмкіндік береді.

Бұл қызметті жеке тұлға да, заңды тұлға да пайдалана алады.

"Оның артықшылығын пайдалану үшін телефонның камерасын компьютер экранында көрсетілетін QR кодқа бағыттап, бейне тексеруден өту керек. Сәтті растаудан кейін компьютерде электрондық цифрлық қолтаңбаны алудың әдеттегі әдісін жалғастыру қажет", - делінген "Ұлттық ақпараттық технологиялар" АҚ хабарламасында.

Компания QR-код арқылы жасалатын бейне тексеру кезінде жеке мобильді құрылғыны пайдалану керегін атап өтті.

Назархан Уән
Жұма, 22 Сәуір, 2022 15:56
Талқылау