Қазақстан үкіметі төтенше жағдайлар министрлігіне 25 миллиард теңгеге 11 ұшақ сатып алмақ
Премьер-министрдің баспасөз қызметі төтенше жағдайлар министрлігіне 24,8 миллиард теңгеге 11 ұшақ сатып алатынын мәлімдеді. Бұл туралы Stan.kz ақпарат агенттігі хабарлайды.
Фото: Төтенше жағдайлар министрлігі
"Қаржылық лизинг механизмін қолдану арқылы төтенше жағдайлар министрлігінің материалдық-техникалық базасын жабдықтау үшін 11 ұшақ сатып алу жоспарланып отыр. Қажетті сома 2027 жылға дейін республикалық бюджеттен кезең-кезеңімен 24,8 миллиард теңге бөлінеді", – делінген хабарламада.
Бұл мәселе республикалық бюджет комиссиясының отырысында тұжырымдамалық қолдауға ие болғаны айтылды.
Мәліметтерге сенсек, әуе кемесі жету қиын аймақтардағы төтенше жағдайлар аймақтарынан адамдарды эвакуациялау және құтқару бөлімшелерінің жедел әрекет етуін қамтамасыз ету үшін пайдаланылатыны атап өтілді.
Еске салайық, бұған дейін Airbus Қазақстан қорғаныс министрлігінің қажеттігі үшін алғашқы A400M әскери-көлік ұшағын жіберуге дайындап жатқанын жаздық. Қазақстан 2021 жылы екі ұшаққа тапсырыс берген еді. Президент Қасым-Жомарт Тоқаев Қазақстан армиясының жауынгерлік әзірлігінің жай-күйі туралы қорғаныс істері жөніндегі департамент бастығының баяндамасын тыңдап, қарулы күштердің жауынгерлік әлеуетін арттыруды тапсырды.
"Мәһрге наубайхана ашып беруді сұрадым": Египеттік жігітке тұрмысқа шыққан қазақ қызының тойы желіде қызу талқыға түсті
