ЕҚДБ мәлімдемесінде бұл қаражат "Қазақстан Темір Жолы" ұлттық теміржол компаниясына "геосаяси сілкіністердің салдарын жеңуге" көмектесетіні айтылған. Іс жүзінде олар Ресейді айналып өтетін Орталық дәлізін дамытуға жұмсалады. Соғысқа дейін Қытай мен Еуроодақ арасындағы жүк тасымалының 95 пайызы Солтүстік дәліздің көмегімен Қазақстан, Ресей және Беларусь арқылы жүзеге асырылатын. Алайда қазір Еуропа Ресей арқылы тасымалдауға тәуелділікті азайтуға тырысуда.

"Халықаралық тасымалдаушылар Ресей аумағы арқылы өтудің балама жолдарын көбірек іздеп жатыр, Қазақстанды Каспий теңізі арқылы Әзірбайжан, Грузия және Түркиямен байланыстыратын Орта дәліз бойынша тасымалдауға сұраныс айтарлықтай өсті. Оның дамуы аймақтық сауданың тұрақтылығы үшін аса маңызды", - деп түсіндіреді Еуропалық қайта құру және даму банкінің баспасөз қызметі.

Сарапшылар Қазақстанның шексіз, бірақ жайлы даласы арқылы жүк тасымалдау логистикалық тұрғыдан келешегі зор көрінетінін айтады.

Қазақстан Қытайдан инвестиция алатын елдер тізімінде: Қытай қаржының көп бөлігін қай елдер мен салаларға бөледі?

"Енді стратегиялық нысандарды сата бастады": Депутат Құлыбаевтың ресейліктермен жасаған келісімшартын тексеруді талап етті

Ресей әскерінің күші сарқылды, енді Украина қарсы шабуылға шығады – Британ барлау агенттігі

"Тәуекелдерді басқару тұрғысынан Ресей мен Батыс елдері арасындағы қақтығыстың ұзақ уақытқа созылуы ықтимал. Сондықтан, біз міндетті түрде әртараптандыруымыз керек: өз қалауымыз үшін емес, осы тауарларға қолжетімділікті сақтау үшін. Және әлбетте қолайлы баға арқылы", - дейді "Ұлағат" консалтинг Групп" директоры Марат Қайырленов.

Саясаттанушы Ғазиз Әбішев те Ресейдің оқшаулануы жақын арада бітпейді деп есептейді.

"Путиннің билік шыңынан бірқалыпты немесе кенетен кеткен жағдайда да оның орнына мұрасын жалғастыратын саяси күш келуі мүмкін, осылайша бұл мұрадан бас тартпай, санкциялық режимнен шығу қиын. Осыған байланысты Ресейдің логистикалық және экономикалық жағынан өте ұзақ уақыт санкциялық қысымда болатыны түсінікті", - деп түсіндіреді ол.

Қазақстан Президенті Қасым-Жомарт Тоқаев кеше Эр-Риядта Сауд Арабиясының кәсіпкерлерімен кездесуінде транзиттік және көліктік мүмкіндіктерді кеңейту туралы айтты. Ол Қытайды Еуропамен байланыстыратын, Ресейді логистикалық тізбектен тыс қалдыратын Транскаспий бағытына тоқталып, Қазақстанның өзінде де шетелдік әріптестерге ұсынатын нәрсе бар екеніне ерекше тоқталды.

"Қазақстан вольфрам қоры бойынша әлемде бірінші орында, уран мен хром кен орындары бойынша екінші орында. Біз марганецке, күміске, мырышқа және қорғасынға ең бай бес елдің қатарына кіреміз. Қытай мен Оңтүстік Азияның дамып келе жатқан нарықтарына жақындығымызды ескере отырып, бұл шынымен де тамаша инвестициялық мүмкіндік екенін түсінеміз. Бүгінгі таңда біз барлау мен игеруге 60-тан астам бағалы және түсті металдардың кен орындарын ұсына аламыз", - деді Тоқаев.

Бір сөзбен айтқанда "Мәскеудің ресми қатысуынан айналып өту" үрдісі Қазақстан үшін де, Орталық Азияның басқа елдері үшін де өзектілігін арттыруда. Осылайша, Ресейдің Украинамен ашқан соғысы ресми Мәскеу үшін экономикалық санкциялармен ғана емес, тізімнің қатары күннен күнге өсіп келеді.

Талқылау