"Қатты жел, көктайғақ пен аяз": Синоптиктер алдағы үш күнге арналған ауа райы болжамын жасады

Қазгидромет алдағы 24-26 қазан күндеріне арналған ауа райы болжамын жариялады. Мамандардың айтуынша, бұл күндері еліміздің көп аймақтарында тұрақсыз ауа райы сақталады. Бұл туралы Stan.kz ақпарат агенттігі хабарлайды. 

Сурет pexels-тен

Синоптиктер атмосфералық фронттардың бірнеше жүйесі бар солтүстік циклон Қазақстан тұрғындарына қыстың жақындап келе жатқанын сездіретінін айтады.

Атап айтқанда, ауа-райы тұрақсызданып, қатты жел, көктайғақ болып, қар аралас жаңбыр күтіледі. Барикалық құбылыстар бүкіл республика бойынша температураның жоғарылауына әкеледі. Бірақ кезеңнің соңында Скандинавия түбегінің аймақтарынан суық арктикалық ауа массаларының енуі еліміздің батыс, солтүстік-батыс және солтүстік аймақтарында салқындауға әкеліп соғады.

Мәселен, республиканың батысында түнгі сағаттарда температура -6 градус аяздан 3 градусқа дейін, солтүстік-батыста 0-7 градусқа дейін төмендейді. Елімідің солтүстігінде -5 градус аяздан 5 градус жылыға дейін күтіледі.