Соңғы жаңалықтар
Соңғы жаңалықтар

Қардың үстіне асфальт төсеген: СҚО әкімдігі жағдайды түсіндірді

Солтүстік Қазақстан облысының әкімдігінде қардың үстіне асфальт төсеу фактісіне қатысты түсініктеме берді, деп хабарлайды Stan.kz ақпарат агенттігі. 

Өңірдің жолаушылар көлігі және автомобиль жолдары басқармасының хабарлауынша, 27 қарашада қоғамдық бақылау аясында облыстың арнайы мониторингтік тобы мен сыбайлас жемқорлыққа қарсы қызметінің өкілдері облыстық жолдардың үш учаскесін қарап шықты.

"Мониторинг тобы кепілдік міндеттемелері шеңберінде мердігерлер жоюы керек кейбір кемшіліктерді қоспағанда, тұтастай алғанда бұл учаскелерде өрескел бұзушылықтарды анықтаған жоқ. Барлық қабылданған учаскелерде техникалық қадағалауды жүзеге асыратын ЖШС өкілдері ескертулерді жою бойынша мердігерлердің жұмысын қадағалайды.

Айыртау ауданындағы Каменный Брод ауылының маңындағы ауыл жол учаскесінде ауа-райының қолайсыздығына байланысты асфальт төсеу фактісіне қатысты: осы учаскедегі барлық жұмыстар толық көлемде және шартта белгіленген мерзімде оң температуралық режимде және құрылыс нормаларын сақтай отырып орындалды", - дейді Жолаушылар көлігі және автомобиль жолдары басқармасы.

Бұл ретте мердігер "Комплект-Азия-Сервис" ЖШС сметалық құжаттама шеңберінде емес, өз қаражаты есебінен негізгі учаскеден тыс шұңқырлар мен жол жиектеріне ескі фрезерленген асфальттың қалдықтарын себу жұмыстарын жүргізгені нақтыланды.

Бұған дейін Солтүстік Қазақстан облысының Айыртау ауданында жолшылар тура қардың үстіне асфальт төсегені хабарланды.

Талқылау
Пікір
Қазір оқып жатыр
Çàãðóçêà...
Қазір оқып жатыр