Ғалымдар пандемияның күтпеген салдарын атады
Пандемиядан кейін қоғамда үлкен өзгерістер болып, гендерлік теңсіздік артып, туу коэффициенті төмендейді. Бұл тұжырымды АҚШ-тың көпсалалы сарапшылар тобы айтты, деп хабарлайды Stan.kz ақпарат агенттігі.
Мамандар 90 зерттеу жүргізді, онда мінез-құлық ғылымы, экономика, эволюциялық биология, медицина және нейробиология саласындағы білімдерін қолданды.
Зерттеушілер пандемия ұғымын әлеуметтік экспериментпен салыстырды, оның салдары туудың төмендеуіне әкеледі, бұл өз кезегінде болашақта мемлекеттердің экономикасы мен әлеуметтік кепілдіктеріне әсер етеді.
Сондай-ақ, пандемияның салдарының бірі әлеуметтік байланыстардың бұзылуы болуы мүмкін. Оқшаулану жағдайында видеомен табысқан жұптардың бір-бірінен көңілі қалуы мүмкін, өйткені желідегі қарым-қатынас серіктестерді идеалдандырады.
Мақала авторы және Калифорния университетінің психологы Марти Хазельтон адамдардың отбасыдан гөрі жалғыздықты көбірек қалайтынын айтады.
Сонымен қатар, ғалымдар ұзақ уақыт оқшаулану гендерлік теңсіздіктің өсуіне әкелуі мүмкін деп санайды. Өйткені, қосымша үй жұмыстары көбінесе әйелдердің иығына түседі. Сайып келгенде, әйелдердің жұбайына материалдық тәуелділігі артады.