Нидерланды парламенті қабылдаған құжатта "Қытайда ұйғыр халқына қарсы геноцид жасалуда" делінген. Алайда мәлімдемеде Қытай үкіметін жауапкершілікке тарту туралы жазылмаған.

Премьер-министр Марк Рюттенің консервативті партиясы қарарға қарсы дауыс берді. Елдің сыртқы істер министрлігінің басшысы Стеф Блоктың үкімет "геноцид" терминін айыпталушылардың кінәсі дәлелденбей қолданбайтынын айтты.

"Ұйғырларға қатысты жағдай үлкен алаңдаушылық тудырады", - деді Блок.

Гагадағы Қытай елшілігі Шыңжаңдағы геноцидтің аяқталуы туралы кез келген айыптаулардың жалған екендігін және Нидерланды парламентінің "Қытайды мақсатты түрде қаралап, Қытайдың ішкі ісіне араласып отырғанын" айтты.

Бірқатар батыстық саясаткерлер мен құқық қорғаушы ұйымдар Бейжіңді Қытайдың Шыңжаң-Ұйғыр автономиялық ауданындағы "түзету лагерлерінде" миллионға жуық этникалық ұйғырлар жазықсыз жазаланып жатқанын атады. Құқық қорғаушылар лагерьлерде азаптау қолданылады, онда ұсталғандар құлдыққа мәжбүр етіледі дейді.

Қытай барлық айыптауларды жоққа шығарып отыр.

Қазақстан СІМ: Нұр-Сұлтан Бейжіңмен кеңесте Қытайдағы қазақтардың "мәселесін қозғады"

"Намаз оқығаны үшін 15 жылға соттаған": Түзету лагерьлеріне жабылған қандастарымыздың туыстары Қытай елшілігінің алдына нарызылыққа шықты

"Шыңжаңда барлық этникалық топтардың діни бостандыққа құқығы заңға сәйкес қорғалған. Ауданда 25000-нан астам мешіт бар. Бұл қарапайым факт Шыңжаңда ешқашан геноцид, мәжбүрлі жұмыс немесе діни қысым болмағанын көрсетеді. Бұл негізсіз айыптаулар ойдан шығарылған", - деді Қытай сыртқы істер министрі Ван И.

Сонымен қатар, Түркия Шыңжаңдағы мұсылмандар құқығына қатысты жағдайға алаңдаушылық білдірді.

"Біз бұл мәселені ашып айтқанын қалаймыз. Түркия Қытайдың аумақтық тұтастығын құрметтейді, ұйғырлар мен басқа да мұсылмандардың құқығын қорғаудың маңыздылығын атап өтті. Біз Қытай билігінің шақыруы бойынша Шыңжаң-Ұйғыр автономиялық ауданына делегация жібереміз", - деді сыртқы істер министрі Мевлют Чавушоглу.

Талқылау