Еуроодақ Украинаға соғыста қандай көмек беретінін мәлімдеді

Лондонда Украинаға арналған ЕО саммиті аяқталды. Ол аяқталғаннан кейін Ұлыбритания премьер-министрі Кейр Стармер баспасөз мәслихатын өткізіп, кездесудің қорытындысын жариялады. Бұл туралы Stan.kz ақпарат агенттігі хабарлайды. 

Видеодан скриншот

Еуропа Украина әскерін қайта қаруландырып, елге қару-жарақ беруді жалғастырмақ.

Ұлыбритания премьер-министрі Еуропаның бітімгершілік процесіне қатысатынын жариялады.

Лондондағы ЕО саммитінің қысқаша мазмұны:

• Ұлыбритания Украинаға әскери сатып алулар үшін қосымша 1,6 миллиард доллар береді, оның ішінде әуе шабуылына қарсы қорғаныс жүйелеріне арналған зымырандар;
• Ұлыбритания Украинаға несиеге 5000 әуе қорғанысы зымырандарын бөлді;
• Бейбітшілік келісім інің орындалуын қорғау үшін Украинаға еуропалық әскери контингент жіберіледі;
• Ұлыбритания мен Франция Украинадағы соғысты тоқтату жоспарын әзірлейді.

• Трамп Зеленскийді "диктатор" деп атап, елін сақтап қалғысы келсе тез соғысты тоқтатуды талап етті

• Ұлыбритания бейбітшілікті сақтау үшін Украинаға әскер жіберуге дайын екенін мәлімдеді

Лондондағы кездесудің мақсаты – Украинаға көмектесу үшін еуропалық одақтастарды біріктіру.

Сондай-ақ Ұлыбритания премьер-министрі АҚШ президенті Дональд Трамппен Украинаға қатысты бейбітшілік жоспары бойынша жаңа кездесу өткізетінін хабарлады.

"Біз қазір Америкамен жұмыс істеуіміз керек. Біз ортақ жоспарымыз болғанша бірге жұмыс істеу үшін жақын арада Америка президентімен кездесеміз деп келістік. Бұл – тұрақты бейбітшілік үшін бірігетін сәт", – деді Ұлыбритания премьер-министрі.

Ол сондай-ақ Украина бойынша бітімгершілік келісімге Ресейді қосу керегін, бірақ "орыстар өз шарттарын айта алмайды" деп атап өтті.

Еске салсақ, Украинаға енді Ұлыбритания қолдау білдіретін болғаны айтылды.