Елордада LRT негізгі желісінде рельстерді төсеу жұмыстары аяқталды
Фото: Іnstagram.com/cts_kz
Астанада 22,4 шақырымдық LRT негізгі желісінде рельстерді төсеу жұмыстары аяқталды. Бұл туралы Stan.kz ақпарат агенттігі хабарлайды.
CTS компаниясының айтуынша, рельстерді төсеу жұмыстары елорданың стратегиялық көлік жобасы құрылысындағы негізгі кезеңдердің бірі.
“Барлығы №101–118 станция аралығында және олардың аралықтарында 89 600 погондық метр рельс төселді. Қазір рельстерді дәнекерлеу жүргізіліп жатыр. Одан кейін оларды соңғы бекіту басталады. Құрылыс барысында құрамында темір мөлшері жоғары көміртекті болаттан жасалған рельстер қолданылды. Олар жіксіз төсеу технологиясы тәсілімен алдын ала кернелген шпалдарға заманауи DTVII2-1 бекіту жүйесі арқылы орнатылды”, – делінген жазбада.
Аталмыш технология жылжымалы құрамның қозғалысы кезінде шу мен діріл деңгейін едәуір төмендетуге мүмкіндік береді. Бұл өз кезегінде жолаушылар мен жақын маңдағы аудан тұрғындарына қолайсыз жағдай туғызбау үшін жасалған.
"Ақау емес, табиғи құбылыс": LRT рельстерін неліктен тат басқаны түсіндірілді
Бұдан әрі төтенше жағдайлар кезінде жолаушылардың қауіпсіздігін қамтамасыз ететін эвакуациялық платформаларды орнату жұмыстары жүргізіледі.
Бұған дейін LRT-ның 2026 жылы іске қосылатыны туралы жазған едік.
"Киіктерді өз өмірінің құнымен қорғаған батыр": Қорықшы Ерлан Нұрғалиевтің қаруланған броконьерлерді қуамын деп қалай қаза тапты
