Динара Щеглова ғылым және жоғары білім вице-министрі болып тағайындалды

Үкімет қаулысымен Динара Щеглова ғылым және жоғары білім вице-министрі қызметіне тағайындалды. Бұл туралы Stan.kz ақпарат агенттігі хабарлайды.

Ол Камиль Ақатовтың орнына келді. 

Динара Щеглова 1982 жылы Семей қаласында дүниеге келген.

2004-2006 жылдары ақпараттандыру және байланыс агенттігі ақпараттандыру департаментінің ақпараттандыруды басқару бөлімінің бас маманы болды.

Осы жылдар ішінде ол коммерциялық құрылымдарда жұмыс істеді.

• 2011-2018 жж – "Зерде" ұлттық инфокоммуникация холдингі" АҚ бас менеджері, департамент директоры, басқарушы директор, төрағаның кеңесшісі, басқарма төрағасының орынбасары;
• 2018-2019 – Ақпарат және коммуникациялар вице-министрі;
• 2019-2020 – Премьер-министр кеңесшісі;
• 2020 жылдан бастап қазіргі уақытқа дейін индустрия және инфрақұрылымдық даму вице-министрі.