Елдос Сметовтің салмағындағы Қазақстан чемпионы белгілі болды
Ақтөбеде дзюдодан өтіп жатқан Қазақстан чемпионатында Елдос Сметовтің салмағындағы жеңімпаз бен жүлдегерлер анықталды. Бұл туралы Stan.kz ақпарат агенттігі хабарлайды.
Фото: Дзюдо федерациясы
Ақтөбеде дзюдодан Қазақстан чемпионатының басталып, республикалық турнирдің бірінші айналымында сенсациялық нәтижелер тіркелді. Елдос Сметов белдесетін 60 келі салмақ дәрежесінде Қазақстан құрамасының көшбасшыларының бірі Нұрқанат Серікбаев алғашқы белдесуінде Талғат Орынбасардан ұтылып қалды. Дегенмен Орынбасар да келесі кезеңде ұтылып, жарыс жолынан шығып қалды. Бұл салмақта финалға Мағжан Шамшаддин мен қостанайлық Нұрәділ Әлжан шығып, Сметовтің басты қарсыласы болған Мағжан Нұрәділге қосымша уақытта есе жіберді. Осылайша Нұрәділ – чемпион, Мағжан күміс жүлдегер атанса, қола жүлдені Нұргелді Қанат пен Алдияр Қарғұлов иеленді.
Айта кетейік,Чемпионатқа Қазақстанның түкпір-түкпірінен 500-ден астам дзюдошы қатысып жатыр. Чемпионат қорытындысы бойынша келесі маусымға Қазақстанның құрамы жасақталады.
