Сондай-ақ басылымға сұхбат берген азаматша оқиғадан кейін үш күн бойы суға түсуге тыйым салынғанына қарамастан, Хургада аймағындағы жағажайлар жабылмағанын айтады.

"Бірінші құрбан қазасынан кейін ешкім жағажайларды жаппаған. Мен кеше де, бүгін де емін-еркін жүзіп жүрдім. Олар әдеттегідей мұны жасырғысы келді, бірақ екінші әйел туралы белгілі болған соң, олар қимылдай бастады. Олар мамандардан жұмыс тобын құрып, акулалардың әрекетінің себептерін анықтауға тырысты.

Алып бара жатқан қорқыныш жоқ, тұрғындар әлі шомылып жүр. Қызыл теңіз губернаторы қалай әрекет ететінін көрейік. Олар туристерді жоғалтқысы келмейді, бірақ олар үшін ештеңе істеп те жатқан жоқ”, – деп қорытындылады ол.

Хургаданың тағы бір тұрғыны Людмиланың айтуынша, акулалардың шабуылы қаупіне қарамастан, адамдар теңізде жүзуді жалғастыруда.

"Қонақ үйлерде адамдарға суға түсу қауіпсіз емес деп ескертеді, бірақ барлық жер адамдарға лық толы. Көптеген туристер қорқып қалған. Дегенмен қорықпай жүргендер де жетерлік", – деді ол.

Сондай-ақ, Румынияның Сыртқы істер министрлігі Каирдегі дипломатиялық өкілдікке 3 шілдеде туристік агенттің өздеріне телефонмен хабарласып, Хургада курортында демалыс кезінде Румыния азаматшасының қайтыс болғаны туралы хабарлағанын айтқан.

"Египеттің құзырлы органдары таратқан ақпаратқа сәйкес, жүргізілген тексерулер нәтижесінде Румыния азаматының өліміне акуланың шабуылы себеп болғаны анықталды", – деп хабарлайды Румыния СІМ сайты.

Еске салайық, бір күн бұрын Хургада курорттық қаласында акула туристке де шабуыл жасаған болатын. Құтқарушыларды көмекке шақырған қонақүй қонақтарының көзінше жыртқыш жәбірленушінің қолы мен аяғын тістеп алған.

Талқылау