Дәрігер күніне екі литр су ішу керектігі туралы мифті жоққа шығарды

Гастроэнтеролог Ольга Ситкина күніне екі литр су ішуі керек деген көпшілік арасында тараған пікірді жоққа шығарды. Сөзінше, адам организмін сұйықтық жетіспеушіліктен тек су ғана емес, сонымен қатар шырын, сорпа және басқа да сусындар құтқарады екен, деп хабарлайды Stan.kz ақпарат агенттігі lenta.ru порталына сілтеме жасап.

Ситкина әр адам күніне екі, тіпті екі жарым литр су ішу керек деген үзілді-кесілді ұсыныстарға келіспейтінін мойындады. Дәрігер ең алдымен ағзаның қажеттіліктеріне назар аудару керектігін атап өтті. Онда су-тұз алмасуын қолдайтын және ылғалдың шамадан тыс жоғалуын болдырмайтын жүйелер бар.

“Сұйықтықтың жетіспеушілігі пайда болған кезде дене зәр шығаруды және терлеуді азайтады. Иә, денеге әдеттегіден көбірек су қажет болатын жағдайлар бар. Балалар, қарт адамдар, спортшылар, дене қызуы көтерілген, ЖРВИ, диарея кезінде науқастар суды көп ішуі керек. Сондай-ақ талшықты тағамдармен диетадағы адамдар, алкоголь мен диуретиктерді қабылдағандарғада су ішу тәртібі маңызды”,- деді маман.

Гастроэнтеролог солай айтылған екен деп көп мөлшерде су ішуге мәжбүрлемеу керектігін атап өтті. Дәрігер ағзаның сұйықтықты қажет еткеніне белгіні шөлдеу арқылы беретінін алға тартты.

Дәрігердің айтуынша, кейбір жағдайларда денені көп мөлшерде сумен толтыруға ұмтылу жағымсыз салдарға әкелуі мүмкін.

"Мысалы, етеккірге дейінгі кезеңде әйелдің денесі суды ұстап тұруға бейім болады. Мұндай жағдайда тіпті ісінуге әкеліп соғуы мүмкін", –  деп ескертті ол.

Ситкина сонымен қатар тек су ішу керек, ал шай, сорпа, шырын көрсетілген минималды сұйықтыққа есептелмейді деген мәлімдемені қате деп атады.