Бұрынғы қорғаныс министрі Мұрат Бектанов екі айға қамалды
Нұр-Сұлтан соты Қазақстанның бұрынғы қорғаныс министрі Мұрат Бектановты қамауға алу туралы үкім шығарды, деп хабарлайды Stan.kz ақпарат агенттігі.
"2022 жылдың 22 ақпанында Нұр-Сұлтан қаласының мамандандырылған ауданаралық тергеу соты күдікті Мұрат Бектановқа қатысты екі ай мерзімге қамауға алу түріндегі бұлтартпау шарасын санкциялады", - делінген сот хабарламасында.
Сотқа дейінгі тергеудің басқа деректері Қылмыстық іс жүргізу кодексінің 201-бабына сәйкес жария етуге жатпайды.
Айта кетейік, бұған дейін Мұрат Бектановтың қамауға алынғаны туралы хабарлаған едік.
Талқылау
Пікір