Британиялық әжейдің Google-ға жазған сыпайы сұрағы желі қолданушыларын елжіретті

Әлеуметтік желі қолданушылары 85 жастағы британиялық әжейдің интернетке жазған сауалын оқып, жүректері елжіреген.

Бұл туралы today.kz хабарлайды.

Ұлыбритания тұрғыны Бен Джон Твиттердегі парақшасында таңқалдырарлық сурет жариялады. Джонның айтуынша, ол өзінің әжесі Мэй Эшуорттың ноутбугын ашқан кезде келесідей жазылған сұрақты көрген: “Өтінемін, мына рим сандарын аударып беріңізші: MCMXCVIII. Рахмет!”.

Қолданушылар әженің бұл сыпайы сұрағын ерекше бағалаған. Твиттерге жазылғаннан кейін сурет 10 мың ретвит пен 15 мың лайк жинаған.