Brent маркалы мұнай баррелінің бағасы $30 асты

Brent маркалы мұнай баррелінің бағасы сейсенбі күні Лондон биржасында $30  асты. Мұнай баррелі  $30,12 саудаланды, деп хабарлады РБК.

Алдағы сауданың жабылуындағы көрсеткішпен салыстырғанда, Brent мұнайының баррелі  $1,5 (плюс 5,5%) қымбаттады.

Reuters мұнай бағасының өсімін Қытайдан келген ресми мәліметтермен байланыстырып отыр. Оған сәйкес, Қытай экономикасы төртінші тоқсанда өткен жылғы көрсеткішке қарағанда 6,8% өскен. 2015 жылы Қытай экономикасы  6,9% өсіп, соңғы 25 жылдағы ең төменгі қарқынды көрсетті.

Қытайдың өзге мәліметтері көрсеткендей, елде мұнайға деген сұраныс өткен жылы 2014 жылмен салыстырғанда
2,5%, тәулігіне 10,32 млн баррельге дейін артқан.