БҚО-да балабақша тәрбиешісі қызының өзге баланы ұрып жатқан сәтін видеоға түсіріп тұрды (видео)
Батыс Қазақстан облысы Шыңғырлау ауылының балабақшасында тәрбиеші қызының өзге баланы ұрып жатқан сәтін камераға түсірді, деп хабарлайды Stan.kz ақпарат агенттігі.
Видеода кішкентай бала жылап, ыңғайсыздықты сезінеді. Бірақ мектепке дейінгі мекеме қызметкері баласын тоқтатпайды. Видео zkoonline тобында жарияланды.
Енді бұл видео әлеуметтік желілерде жарияланды. Тәрбиешінің әрекеті қолданушыларды ренжітті. Олар ашуланып, түрлі пікір жазады.
«Жалпы, бұл тәрбиешілер мен күтушілер психологтардан өтіп, тест тапсыра ма? Білім бөлімі қайда қарайды?» - дейді Орал тұрғындарының бірі.
«Тәрбиешінің баласы сол топта болғаны дұрыс емес, балалары анасын басқалардан қызғанып, балаларды ұрып жібереді. Немесе анасы ол өз баласын ренжітетін балаларды ұрып-соғуы мүмкін», - деді енді бірі.
Білім басқармасы бұл оқиға Шыңғырлау ауылының балабақшасында болғанын атап өтті.
«Комиссия құрылды, оның құрамына ауыл әкімдігі мен аудандық білім бөлімінің өкілдері кірді. Оның жұмысына ата-аналар қауымдастығы қатысты. Оқиға жас тәрбиешімен болған.
Ол бір жыл жұмыс істеді. Ол баланың ата-анасынан кешірім сұрады, оған қарсы шағымдар жоқ. Қазіргі уақытта мұғалім жұмыстан шеттетілді», - деді БҚО білім беру бөлімінің басшысы Светлана Темірғалиева.
Айта кетейік, қазір облыста барлық мектепке дейінгі мекемелерге бейнекамералар орнату мәселесі көтеріліп жатыр.