"Бейтаныс адамдармен": Қайрат Нұртас туған күнін Мальдив аралдарында өткізбек

Меншікті мерекесінде концерт беруді дәстүрге айналдырған Қайрат Нұртас 33 жасын ерекше қарсы алмақ. Ол биылғы туған күнін бейтаныс адамдардың ортасында өткізбек, деп хабарлайды Stan.kz ақпарат агенттігі.

25 ақпан күні хитмен 33 жасқа толады. Пандемияға дейін әнші туған күнінде үлкен концерт беретін еді. Жаңашылдыққа жаны құмар продюсері бұл жолы тың идея ұсынған көрінеді. 

Мальдив аралдарына Қайратпен бірге 30 адам бара алады. Олар 6 күн бойы хитмен ұсынған бағдарлама бойынша көңіл көтереді. Қайратпен жеке танысып, концертіне қатысып, онымен түрлі ойындар ойнауға мүмкіндік алады. 

• "Ғажапсың, Димаш": Алматылық экскаваторшы Украинаның "Голос" шоуында барлық тәлімгерлерді тәнті етті

• ​​​​​​​Азамат Сатыбалды Жүргенов атындағы өнер академиясының ректоры болып тағайындалды

Фанаттардың бір тобы мұндай мүмкіндік берілгеніне қуанса, екінші бір топ әншіні сынға алды. Жеке мерекені отбасымен атап өткені дұрыс болатынын айтты.