Бекшин Алматыдағы шектеу шараларын қайта қатаңдатты

Алматы қаласының бас санитарлық дәрігері Жандарбек Бекшиннің жаңа қаулысы шықты, деп хабарлайды Stan.kz ақпарат агенттігі. 

Құжатқа сәйкес, аудан әкімдері, мемлекеттік органдар, құқық қорғау және арнайы органдар, "Атамекен" АЭС филиалы, ұйымдар мен мекемелердің басшылары Бас мемлекеттік санитарлық дәрігердің 2021 жылғы 1 шілдедегі қаулысының орындалуын қамтамасыз етуі керек.

Жарлыққа сәйкес қалалық жағажайлар мен ашық бассейндер сағат 7:00-ден 19:00-ге дейін жұмыс істей алады және олар келушілерді Ashyq қызметі арқылы кіргізе алады. Шомылу орындарында әлеуметтік қашықтық сақталуы тиіс. 

Театрлар, кинотеатрлар мен филармонияларда адамдар саны бос орынның 30%-ын, концерт залдарында – 10%-ын құрауы керек. Бұл орындар Ashyq бағдарламасын пайдалануы керек. 

• Қазақстанда вакцинация төлқұжатын қалай алуға болады - Нұсқаулық


• Елімізде вакцинаны қандай жағдайда салдырмауға болатыны айтылды

ХҚКО-лар жексенбіден басқа күндері сағат 09:00-ден 18:00-ге дейін алдын ала тіркелу бойынша жұмыс істейді. 

Азық-түлік дүкендеріне, шағын базарларға, үй жануарлары дүкендеріне бару үшін Ashyq қосымшасы қажет емес.

Бұқаралық іс-шараларға (ойын-сауық, спорттық, діни, отбасылық банкеттер, үйлену тойлары, мерейтойлар, еске алу шаралары және сол сияқты кез келген нәрсе, соның ішінде үй жағдайында), конференцияларға, митингілерге, шерулерге, жиындарға, форумдарға және басқаларына (еске алу шараларын қоспағанда) тыйым салынады.