Баянды өлтіруге бекінген күйеуінен қызы арашалап қалған
Продюсер Баян Есентаеваны өлімнен үлкен қызы Айсәуле аман алып қалған.
Фото: instagram.com/aissaulebakytbek/
Бұл туралы Tengrinews.kz хабарлайды.
Бүгін Талғар аудандық сотында Есентаева мен оның күйеуінің арасында болған жағдайдың жай-жапсары айтылды.
Іс материалдарында Бақытбек Есентаев туысымен бірге өзінің әйелі Баян Есентаеваны әуежайдан күтіп алып, Алматы облысына жолға шыққаны, “Алматы-Көкпек-Көктал” күре жолында олардың арасында жанжал пайда болғаны, кейін ол әйеліне үш жерінен пышақ сұққаны жазылған. Жанжал орнына Баянның қызы Айсәуле келіп қалған, сөйтіп, ол әкесін тоқтатып, анасын өлімнен арашалап алған. Сотта күдікті Бақытбек Есентаевтың пышақты қасақана алып шыққаны белгілі болды. Айта кетейік, ол істе уақытша жұмыссыз ретінде көрсетілген.
Күдіктінің адвокаты Ермұрат Мұқанов пен Бекболат Жансейітов. Прокурор болса Ержан Сағымбеков, істі судья Ілияс Мұхадиұлы қарап жатыр. Іс қазақ тілінде ашық тәртіпте өтіп жатыр.
Тергеу жұмыстары ҚР ҚК 106 бабы “Денсаулыққа қасақана ауыр зиян келтiру” бойынша жүргізіліп, Бақытбек Есентаев 2 айға қамауға алынған.
Жіберіп алмаңыз:
Баян Есентаева қызының арманы орындалды
Есентаеваның шетелдегі қызы жастарды армандай білуге, оның орындалуы үшін күресуге шақырды
Желіде жұлдызға айналған танымал адамдардың балалары
Бір-біріне ұқсай ма: қазақстандық жұлдыздар мен олардың туған бауырлары